Beint á efnisyfirlit síðunnar
18.03.2010

Aðalfundur Stoða hf

Aðalfundur Stoða hf. verður haldinn föstudaginn 26. mars 2010 á skrifstofu félagsins að Hátúni 2b, Reykjavík, 2. hæð og hefst fundurinn kl. 14:00. 

Dagskrá fundarins:


  1.  Skýrsla stjórnar um hag félagsins og starfsemi á liðnu starfsári. 
  2.  Ársreikningur félagsins lagður fram til staðfestingar. 
  3.  Tekin ákvörðun um hvernig fara skuli með tap félagsins á reikningsárinu.
  4.  Tillaga um starfskjarastefnu.
  5.  Ákveðin þóknun til stjórnar félagsins. 
  6.  Stjórnarkjör.
  7.  Kjör endurskoðenda.
  8.  Önnur mál. 

Sérstaklega er bent á að þeir sem hyggjast gefa kost á sér til setu í stjórn skulu tilkynna það skriflega til stjórnar félagsins að minnsta kosti fimm sólarhringum fyrir upphaf aðalfundar. Þeir einir eru kjörgengir sem þannig hafa gefið kost á sér. Í tilkynningu um framboð til stjórnar skal gefa, auk nafns frambjóðanda, kennitölu og heimilisfangs, upplýsingar um aðalstarf, önnur stjórnarstörf, menntun, reynslu og hlutafjáreign í félaginu. Þá skal einnig upplýsa um hagsmunatengsl við helstu viðskiptaaðila og samkeppnisaðila félagsins, sem og hluthafa sem eiga meira en 10% hlut í félaginu.

Tillögur frá hluthöfum sem bera á upp á aðalfundi skulu vera komnar í hendur stjórnarinnar eigi síðar en sjö dögum fyrir aðalfund.

Fundargögn munu liggja frammi á skrifstofu félagsins hluthöfum til sýnis sjö dögum fyrir aðalfund.

Atkvæðaseðlar og önnur fundargögn verða afhent á aðalfundardegi frá kl. 13:30 á fundarstað. Fundurinn verður haldinn á íslensku en ensk þýðing fundargerðar verður send erlendum hluthöfum innan viku frá fundinum.

Reykjavík, 17. mars 2010.

Stjórn Stoða hf. 

Frekari upplýsingar

Sími: 591 4400
Netfang: info@stodir.is